Сарын тэмдгийн мөчлөг гэдэг нь зүгээр л цус алдах үйл явц биш. Энэ бол бие махбодийн нарийн тогтолцоо ажиллаж, даавруудын тэнцвэр өөрчлөгдөн, тархи, зүрх сэтгэл, булчин шөрмөс, арьс гээд бидний бүхэл бүтэн биеэр дамжин мэдрэгддэг нүүр тулсан өөрчлөлтийн аялал юм.

Бие махбодийн өөрчлөлтүүд

Хавагнах мэдрэмж: Сарын тэмдгийн өмнөхөн болон ирсэн үед дааврын нөлөөгөөр бие шингэн хуримтлуулж эхэлдэг. Үүний үр дүнд: Хөл, гар, нүүр хөндүүрлэх мэт хавагнах, хувцас багадаж, барьж буй мэдрэмж төрөх

Юу хийх вэ?

Давс бага хэрэглэж, шингэн сайн ууж, хөнгөн хөдөлгөөн хийх нь хаван бууруулахад тустай.

Хэвлийн доод хэсгийн өвдөлт: Умайн дотор бүрхүүл гуужих явцад умай агшдаг. Энэ агшилт нь зарим тохиолдолд: Хэвлийгээр базлах, нуруу руу өвдөх, ядрах шалтгаан болдог.

Юу хийх вэ?

Халуун жин тавих, зөөлөн сунгалтын дасгал хийх, амар тайван орчинд байх нь өвдөлтийг багасгадаг.

Ядрах ба нойрмоглох: Цусны алдагдал болон дааврын хэлбэлзэл нь эрч хүчийг бууруулж болдог. Зарим эмэгтэй төмрийн дутагдалд орж, цус багадалтын шинж илэрч болно. Прогестерон ихсэхэд нойр ихсэх, нойрмог болдог

Юу хийх вэ?

Төмөр агуулсан хоол хүнс (мах, ногоо), витамины нэмэлт, хангалттай амралт чухал.

Сэтгэл санааны хэлбэлзэл: Эстроген ба серотонин дааврын бууралт нь: Хурдан уурлах, гэнэт гуниглах, тайван байж чадахгүй байх зэрэг мэдрэмжийг төрүүлж болно.

Юу хийх вэ?

Танд таатай хөгжим, амттай цай, найзтайгаа ярилцах, зөөлөн үнэртүүлэгч хэрэглэх нь сэтгэлд тайвшрал өгдөг.

Биеэ сонсох цаг

🫧 Ус сайн уух

🫧 Амарч, сунгалт, алхалт зэрэг хөнгөн дасгал хийх

🫧 Өөрт таарсан, зөөлөн бүтэцтэй жийргэвч сонгох

🫧 Амин дэмтэй хоол, зөөлөн орчин, өөртөө анхаарах сэтгэл хэрэгтэй.

🌸💗Soft Hugs сануулж байна:Бид таньд бие махбодийн өөрчлөлтөд ачаалал нэмэхгүй аюулгүй, зөөлөн ариун цэврийн хэрэглэлийг санал болгож байна. 💗🌸