Эмэгтэй хүний бие бол нарийн зохион байгуулалттай, өөрийгөө хамгаалах чадвартай гайхамшигт систем. Гэхдээ энэ системийг эрүүл, тэнцвэртэй байлгахын тулд өдөр тутмын ариун цэврийг зөв сахих шаардлагатай байдаг.

Энэ бол зүгээр нэг гоо сайхны асуудал биш — эмэгтэй хүний эрүүл мэндийн үндэс суурь юм.

Яагаад чухал вэ?

1. Халдварт өвчнөөс сэргийлнэ: Эмзэг хэсгийн орчин халуун, чийгтэй байдаг тул бактер, мөөгөнцөр үржих хамгийн таатай орчин. Ариун цэвэр буурах үед: Шээсний замын халдвар (UTI), үтрээний үрэвсэл, загатнах, бэлгийн замын халдварт өвчинд өртөх эрсдэл нэмэгддэг.

2. Арьсны харшил, загатнааг бууруулна. Ариун цэврийн хэрэглэл, дотуур хувцасны буруу сонголт, хэт үнэртэй саван зэргээс болж арьс эмзэгшдэг. Зөв бүтэцтэй, зөөлөн бүтэцтэй бүтээгдэхүүн хэрэглэх нь арьсыг тайвшруулж, улайлт, харшил үүсгэхгүй.

3. Сарын тэмдгийн үеийн үнэр, эвгүй мэдрэмжээс сэргийлнэ. Сарын тэмдгийн үед бактерийн өсөлт ихэсдэг учраас үнэр гарах, таагүй мэдрэмж төрөх нь элбэг. Ариун цэвэр сахих нь энэ бүхнийг багасгаж, өөртөө итгэлтэй байхад тусалдаг.

Юу хийх хэрэгтэй вэ?

Өдөр бүр зөөлөн усаар угаах: Зөвхөн гадна бэлэг эрхтнээ угаахад хангалттай. Хэт хүчтэй, үнэртэй саван үтрээний pH тэнцвэрийг алдагдуулж, бактери үржих шалтгаан болдог.

Өдөр тутмын ариун цэврийн хэрэглэл хэрэглэх: Цэвэрхэн, хуурай мэдрэмжийг өгөхөөс гадна дотуур хувцсаа хамгаалж, эвгүй үнэрээс сэргийлнэ. Ариун цэврийн хэрэглэлээ өдөрт 2–3 удаа солиорой.

Чийглэг хувцас удаан өмсөхгүй байх: Ялангуяа спортоор хичээллэсний дараа, усанд орсны дараа нэн даруй хувцсаа сольж хуурай байлгах хэрэгтэй.

Үргэлж хуурай, цэвэр орчин бүрдүүлэх: Суга, бэлэг эрхтний орчимд агаар оруулах, хэт бариу, синтетик материалтай хувцсаас татгалзах

💗🌸 Soft Hugs сануулж байна: Soft Hugs нь таны өдөр тутмын ариун цэврийг дэмжих, 100% арьсанд ээлтэй, харшил өгөхгүй, амьсгалах чадвартай, үнэргүй, химийн хорт бодисгүй, байгальд шингэдэг, экологид ээлтэй материалаар хийгдсэн ариун цэврийн хэрэглэлийг санал болгодог. 🌸💗