Анхны сарын тэмдэг бол охин тань эмэгтэй хүн болох замналынхаа чухал үе шатанд орж байгааг илтгэх байгалийн үзэгдэл юм. Энэ үед охин тань сандарч, ичих эсвэл айх мэдрэмж төрөх нь энгийн зүйл. Иймд эцэг эхийн зүгээс дэмжиж ойлгож, нээлттэй, эерэг байдлаар ярилцах нь маш чухал.

1. Эвтэйхэн, ойлгомжтой, эерэг хэллэг ашиглаарай: Сарын тэмдгийн талаар ярихдаа ичмээр, нууц зүйл мэт биш, харин байгалийн, энгийн, эмэгтэй хүний онцлог гэдгийг ойлгуулаарай. "Ингэж байх ёстой юм", "чи өвчтэй биш", "чи ганцаараа биш" гэдгийг хэлж өгснөөр охин тань айдас багатай, өөртөө итгэлтэй хүлээн авахад тус болно.

Жишээ хэллэг:

• “Би анх сарын тэмдгээ авахдаа яг чиний л адил мэдрэмжтэй байсан.”
• “Энэ бол бие махбод чинь эрүүл, зөв ажиллаж байгаагийн шинж.”
• “Хэрвээ ямар нэгэн зүйл ойлгомжгүй байвал надтай ярилцаж болно шүү.”
• 
  

2. Ариун цэврийн хэрэглэлийг хэрхэн ашиглахыг зааж өгөөрэй: Охид ихэнхдээ анх удаа ариун цэврийн хэрэглэл хэрхэн ашиглахаа мэдэхгүй байдаг. Иймээс:

• Живх мэт наадаг жижиг хэмжээтэй зөөлөн ариун цэврийн хэрэглэл хэрэглэхийг санал болгоорой.
• Хэрхэн нааж хэрэглэх, хэдэн цаг тутам солих, хэрхэн хаях талаар зааж өгч болно.
• Бэлэн жижиг уут, сольж авах боломжтой хэрэгсэл байвал хамт авч явахыг зөвлө.
• 
  

Soft Hugs-ийн анхны хэрэглээнд тохирсон, жижиг хэмжээтэй, зөөлөн бүтэцтэй ариун цэврийн хэрэглэл нь эмзэг арьстай, анхны удаа хэрэглэж буй охидод зориулагдсан тул тухтай, тайван мэдрэмж төрүүлнэ.

3. Бие махбодийн өөрчлөлт, мөчлөгийг ойлгомжтой тайлбарлаарай: Охин тань өөрийн биеийг таньж эхлэх энэ үед:

• Хөх томрох, биед үс ургах, ааш зан өөрчлөгдөх зэрэг нь энгийн зүйл гэдгийг хэлээрэй.
• Сарын тэмдгийн тогтворгүй мөчлөг, өвдөлт, нөөц бэлэн байдал зэргийг энгийн жишээгээр тайлбарлаж өгвөл илүү ойлгомжтой байдаг.
• Мөн эрүүл ахуй, бэлгийн боловсролын анхны алхмуудыг ч хөнгөн байдлаар танилцуулж болно.

🌸💗Soft Hugs танд болон охин тань сэтгэл амар, аюулгүй хэрэглээг санал болгож байна. Анхны алхмаа зөв тавих нь чухал шүү.💗🌸