Охид, бүсгүйчүүдэд нийтлэг тохиолддог эрүүл мэндийн асуудал

Сарын тэмдэг тогтмол ирдэггүй, нүүрэн дээр батга гарах нь нэмэгдэх, үс унах эсвэл эсрэгээр нь илүүдэл үс ургах зэрэг шинж тэмдгүүд танд тохиолдож байсан уу? Эдгээр нь "PCOS" гэх эмгэгийн илрэл байж болох юм.

PCOS гэж юу гэсэн үг вэ?

PCOS гэдэг нь "Поликистик өндгөвчний хам шинж" (Polycystic Ovary Syndrome) гэсэн үгний товчлол юм. Энэ нь эмэгтэй хүний дааврын тэнцвэрт байдал алдагдах үед үүсдэг нийтлэг эмгэг.

Эмэгтэй хүний өндгөвч (өндгөн эс боловсруулдаг эрхтэн) хэвийн үед сар бүр өндгөн эс гадагшлуулж, бие махбодь бэлэн байдалд ордог.

Харин PCOS-ийн үед: Өндгөвч бүрэн боловсроогүй өндгөн эсүүдийг хадгалсаар байх, үүний улмаас өндгөн эс гадагшлахгүй, мөчлөг тогтворгүй болох, эр дааврын түвшин нэмэгдэж, бие махбодь өөрчлөгдөх (батга гарах, илүүдэл үс гэх мэт)

PCOS-ийн нийтлэг шинж тэмдгүүд:

1. Сарын тэмдэг тогтмол биш эсвэл ирэхээ болих
2. Батга арилдаггүй, нүүр хүзүүгээр их гарах
3. Биеийн илүүдэл үс (жишээ нь эрүү, цээж, хэвлий орчим)
4. Үс уналт, шингэрэлт
5. Жин нэмэгдэх, турахад хэцүү болох
6. Үр тогтоох асуудал (цаг хугацааны явцад)
7. Ядарч сульдах, сэтгэл гутрал

Зарим охидод бүх шинж илрэхгүй, зөвхөн 1–2 шинжээр илэрч болно.

Яаж оношлогддог вэ?

1. PCOS-ийг эмч дараах байдлаар оношилно:
2. Цусны шинжилгээ – Дааврын түвшинг шалгана
3. Эхо оношилгоо – Өндгөвч дээр жижиг уйланхай (кист)-ууд байгаа эсэхийг харна
4. Эмнэлгийн асуумж – Таны мөчлөг, шинж тэмдгийн талаар тодруулна

PCOS-ийг эдгээж болдог уу?

PCOS нь бүрэн эдгэрдэггүй ч амьдралын хэв маяг, хооллолт, эмчилгээний тусламжтайгаар хяналттай байлгаж болдог. Үүнд: Эрүүл хооллолт – Нүүрс ус багатай, уураг, ногоо жимс ихтэй. Тогтмол хөдөлгөөн – Жингээ барих нь дааврын тэнцвэрт тусална. Эмчилгээ – Эмчийн бичиж өгсөн эмийг тогтмол уух. Стресс бууруулах – Сэтгэл санааны тайван байдал

🌸💗 Soft Hugs зөвлөж байна: PCOS-той охид, бүсгүйчүүдийн сарын тэмдэг заримдаа их хэмжээгээр, урт хугацаанд үргэлжилж болох тул тав тух, найдвартай хамгаалалт зайлшгүй чухал.🌸💗