Сарын тэмдэг ирэхээс өмнөх 1–2 долоо хоногт олон охид, эмэгтэйчүүд бие болон сэтгэл санааны тодорхой өөрчлөлтүүдийг мэдэрдэг. Үүнийг эмнэлгийн хэлээр premenstural syndrome буюу сарын тэмдгийн өмнөх синдром гэж нэрлэдэг.

PMS нь 13–50 насны эмэгтэйчүүдийн 75% гаруйд ямар нэг хэмжээгээр илэрдэг бөгөөд зарим тохиолдолд өдөр тутмын амьдралд ч нөлөөлж мэднэ.

PMS яагаад үүсдэг вэ?

Сарын тэмдгийн мөчлөгийн үеэр дааврын тэнцвэр өөрчлөгдөх нь PMS үүсэх гол шалтгаан гэж үздэг. Эстроген, прогестерон дааврын түвшин буурахад мэдрэл дамжуулагч болох серотонин зэрэгт нөлөөлдөг тул сэтгэл санаа, хоолны дуршил, нойр зэрэгт өөрчлөлт ордог.

PMS-ийн нийтлэг шинж тэмдгүүд

Биеийн хувьд:

1. - Хөх хөндүүрлэх
2. - Гэдэс дүүрэх, хий хуралдах
3. - Ядрах, сульдах
4. - Арьс тослогтож батга гарах
5. - Хоолны дуршил ихсэх (ялангуяа чихэрлэг, нүүрс ус ихтэй зүйл хүсэх)
6. - Толгой өвдөх, нуруу өвдөх

Сэтгэл санааны хувьд:

1. - Гэнэт уурлах, уйламтгай болох
2. - Сэтгэл гутрах, ганцаардах мэдрэмж төрөх
3. - Анхаарал төвлөрөхгүй байх
4. - Тайван бус, бухимдалтай болох

PMS-тэй хэрхэн зөв харьцах вэ?

• Эрүүл хооллолт: Нүүрс ус, элсэн чихэр багатай, уураг, ногоо жимстэй хоолыг сонгох
• Дасгал хөдөлгөөн: Хөнгөн агаарын алхалт, сунгалтын дасгал PMS-ийг бууруулахад тусалдаг
• Стресс бууруулах: Амралт, йога, гүнзгий амьсгал
• Хангалттай нойр: Сайн амрах нь сэтгэл санааг тогтвортой байлгахад тусална
• Бичиж тэмдэглэх: PMS хэзээ эхэлж, хэр удаан үргэлжилдгийг тэмдэглэж, өөрийгөө илүү сайн ойлгох
• 
  

💗🌸Soft Hugs зөвлөж байна: Сарын тэмдгийн өмнөх өдрүүдэд бие тавгүй, мэдрэмтгий байх нь хэвийн. Ийм үед тав тухтай, амьсгалдаг, зөөлөн материалтай ариун цэврийн хэрэглэл бэлдэж, өөртөө анхаарал тавих нь маш чухал. Soft Hugs-ийн хэрэглэлүүд нь таны тав тухтай байдлыг хангана. 🌸💗