Бусадтай хуваалцах
1.Бүсгүй хүн байхын учир
Эмэгтэй хүний нөхөн үржихүйн эрхтэн тогтолцоо нь маш нарийн. бүтэц зохион байгуулалттай байдаг. Өндгөвчүүд нь бэлгийн дааврууд ялгаруулж эхэлснээр охидын бэлгийн бойжил эхэлдэг. Өндгөвчнөөс эстроген даавар ялгарч, улмаар өндгөн эс боловсорч, ялгаран умайн гуурсан хоолойгоор дамжин умайн хөндийд орж, үр тогтохгүй бол умайн салст гуужин цус болон гадагшилна. Харин прогестерон даавар умайн салстыг өндгөн эс үр тогтож, эвсэл үрийг умайн хөндийд бэхлэгдэж, цаашид үр хөврөл болон хөгжих боломжийг бүрдүүлдэг юм.
2. Анхны биеийн юмны тухай
Дундажаар охидын анхын биений юм 13-16 насанд ирдэг. Хувь хүний онцлогоос хамаараад охин бүрийн биений юм харилцан адилгүй насанд ирдэг. Биений юм 16 наснаас хойш ирээгүй бол заавал эмэгтэйчүүдийн эмчид үзүүлэх шаардлагатай байдаг. Мөн биений юм анх удаагаа ирж байгаа үед ууц нуруугаар чилж өвдөх, цусны хэмжээ янз бүр гарч болно. Гэхдээ биений юмны үед хэрэглэж байгаа хэрэглэлийн тоогоор, дүүрч байгаа хугацааг сайтар анзаарч байх шаардлагатай.
.
3. Биений юмны үед гарах цусны хэмжээ
Биений юм анхны үед 30-40мл хүртэл цус гарах бөгөөд 4-5 хоногийн турш 1-3 цайны халбага орчим цус гарна. Зарим охидуудад биений юмны хэмжээ арай их ирэх тохиолдол байдаг. Гэхдээ ирж байгаа цус нэг ариун цэврийн хэрэглээний дунд хэсэг хүртэл дүүрч болохыг анхаараарай. Үүнээс илүү их хэмжээтэй 1 цагийн дотор 2-3 хэрэглэл сольж байгаа бол үүнийг цус алдалт гэж үзнэ.
Ер нь биений юм ирж байгаа эхний өдрүүдэд арай илүү хэмжээтэй цус гарч байгаад сүүлийн хоногуудад аажмаар багасдаг. Хэрэв их хэмжээтэй ирэх магадлалтай бол заавал ариун цэврийн хэрэглэлийг цүнхэндээ нэмэлтээр авч явж байгаарай.
4. Биений юм ирэх үед ямар бэлтгэл хийх талаар зөвлөгөө
Охидуудын цүнхэнд ер нь ариун цэврийн хэрэглэл 1-2 ширхэг заавал байж хэрэгтэй. Биений юм нь тогтворжоогүй учир алдагдаж ирэх магадлал өндөр, гэнэт ирэх нь их байдаг.
Охидод дотуур хувцсанд наадаг ариун цэврийн хэрэглэл хамгийн тохиромжтой. Хэрэв хүсвэл тампони, эсвэл биений юмны аяга хэрэглэж болно. Тампонийг гол нь 2-3 цаг болоод заавал солих ёстой бөгөөд удаан байлгавал нян үржих таатай нөхцөл бүрддэг. Биений юм аяга ч гэсэн цусыг нэг дор цуглуулж байгаа, агаар орох боломжийг бүрэн хааж байгаа тул нян үржих орчныг мөн л бүрдүүлж, өгсөх замын халдвар болдог.
Биений юмны өвдөлт нь өсвөр насны охидод элбэг тохиолддог зовуурь юм. Учир нь умайн салст давхарга гуужих, умайн хүзүү бага зэрэг тэлэгдэх зэрэг үйл ажиллагааны улмаас өвдөлт үүсдэг. Иймээс биений юм ирж байгаа үед халуун жин тавих, өвдөлт намдаах эм уух, ногоон цай ууж тайвшрах, сайн амрах, унтах зэрэг арга хэмжээ авна.
5. Биений юм алдагдаж ирэх нь өсвөр үеийн охидод элбэг тохиолдоно.
Тархи, өндгөвч, умайн үйл ажиллагааг нь даавраар зохицуулагдаж явагддаг. Анхны биений юм ирсэн үеэс эхлэн энэхүү тогтолцоо нь идэвхжих боловч бүрэн гүйцэд тогтворжоогүй улмаас биений юм 28-45 хоногийн мөчлөгтэй эсвэл үүнээс ч богино хугацааны мөчлөгтэй байдаг. Биений юм тогтворжтол охид бүр дээр өөр хугацаа шаарддаг. Хэрэв удаан хугацаагаар ийм тогтворгүй ирээд байвал та дааврын шинжилгээ өгөх шаардлагатай болдог.
Мөн биений юм тогтворгүй ирэх нь биеийн жин, стресс, жирэмслэлттэй холбоотой байдгийг анхаараарай. Хичээлийн стресс, сэтгэл гутрал нь биений юмны хэмжээг багасгах, эсвэл ихэсгэх нөлөөтэй.
Биений юм бол гайхалтай физиологийн цикл юм. Энэ нь эмэгтэй хүнийг үзэсгэлэн төгөлдөр байхад шууд нөлөөтэй тогтолцоо тул үүнийг сайтар судалж, өөрийгөө хянаж, хэзээ эмчид хандахаа мэдэж байх нь охид та бүхний үүрэг шүү.
Биеэ бодоорой.
Нийтлэл бичсэн: Б.Даваацэрэн Эх барих, эмэгтэйчүүдийн эмч
Хүний гадаад төрх байдал нь тэнцвэртэй, амин дэмээр баялаг хоолоор хооллохоос шууд хамааралтай. Та өдөр бүр зөв хооллож чадвал арьсаа хамгаалах , чийгшүүлэх, тэжээлээр хангах нөхцөл бүрэлдэн , гэрэлтсэн сайхан арьстай болно.Дараах 7 төрлийн хоол хүнс нь таны бие махбодын эрүүл байдал, гоо сайхныг дэмжихэд тусална.Чихэрлэг бус жимс, жимсгэнэЖүрж, алим, интоор, усан үзэм, гүзээлзгэнэ нь антиоксидантаар баялаг бөгөөд С витамин нь коллаген үйлдвэрлэлийг дэмжин арьсыг чөлөөт радикалаас хамгаалж, хуурайшилтаас сэргийлдэг.Ногоон навчит хүнсний ногооУлаан лооль, хулуу, байцаа, гоньд нь А витамин, С витамин, төмрөөр баялаг тул арьсыг нарны хор хөнөөлөөс хамгаалж, чийгшүүлж, цусны эргэлтийг сайжруулдаг.Том шар үр жимс, хүрэн хөхнийХүрэн хөхний, бидрийн үр, грейн самар, авокадо нь омега-3-ын хүчил, витамин Е-ээр баялаг. Эдгээр нь арьсыг гялтганасан, чийгтэй байлгах, үсний үндсийг бэхжүүлэхэд тусалдаг.Ус ихтэй хүнсний ногооХyрэн манжин, хаш, өргөст хэмх нь бие махбодод чийгшүүлэх, арьсыг гялтганасан, зайлуулах үйл ажиллагааг сайжруулахад тусалдаг.Бүтэн үр тариаОвъёос, хөх тариа, бор буудай, самрын будаа нь эслэгийн бодисоор баялаг. Эдгээр нь цусны чийрэгжилтийг тогтвортой байлгаж, арьсны үрэвсэлтэй тэмцэхэд тусалдаг.Ургамлын ууттай цай Ногоон цай нь антиоксидантаар баялаг бөгөөд арьсыг гэдэсний хордолтоос хамгаалж, бодисын солилцоог сайжруулдаг.Улаан мах, загасТөмрөөр баялаг. Төмрийн дутагдал нь арьсыг цайруулж, ядаргаа мэт харагдуулах боломжтой. Загасны омега-3-ын хүчил нь арьсыг гялтганасан, чийгтэй байлгахад тусалдаг.
Судалгаануудаас харахад ариун цэврийн хэрэглэлийн сонголт нь эмэгтэйчүүдийн эрүүл мэндэд шууд нөлөөлдөг. Иймээс ариун цэврийн хэрэглэлээ сонгохдоо дараах зүйлсийг заавал шалгаж байхыг зөвлөж байна. Дахин боловсруулсан түүхий материалыг ашигласнаар ариун цэврийн хэрэглэлүүдэд "Environmental and Reproductive Health Analysis of Commercial Feminine Hygiene Products" (2014) and subsequent reports by organizations like Women's Voices for the Earth (WVE) судалгаанд дурдсанаарДиоксин болон фуран : Энэхүү бодисыг ихэвчлэн дахин боловсруулсан ариун цэврийн хэрэглэлд илэрдэг.Пестицидийн үлдэгдэл : Дахин боловсруулсан хөвөнгөөр хийсэн тампони, ариун цэврийн хэрэглэлд пестицидийн үлдэгдэл байдаг бөгөөд энэ үтрээний салстаар маш хурдан шимэгддэг.Volatile Organic Compounds (VOCs) and Phthalates: Эдгээр бодисууд нь арьсанд харшил үүсгэдэг. Мөн Phthalates нь ихэвчлэн үнэр оруулагч байдлаар хэрэглэх ба энэ нь дотоод шүүрлийн дааварт сөргөөр нөлөөлдөг. Янз бүрийн үнэр оруулагч бодисууд: Эдгээр ихэвчлэн арьсны харшил эсвэл үтрээний салстын хэт мэдрэгшил үүсгэдэг байна.Ийм бүтээгдэхүүнийг тогтмол хэрэглэснээр таны дааврын тэнцвэр алдагдах, сэтгэл санаанд нөлөөлөх, үтрээний үрэвслээр ойр ойрхон өвдөх, үтрээний орчин алдагдаж амархан мөөгөнцөртөх, үтрээний хэт мэдрэгшил үүсэх, бэлгийн уруул орчим арьсны хэсэг газрын харшил үүсэх зэрэг сөрөг эрүүл мэндийн дагавар гарах эрсдэлтэй.Ариун цэврийн хэрэглэлийг сонгохдооАль болох янз бүрийн үнэргүй сонгох100% байгалийн хөвөн даавуугаар хийсэнг сонгохАгаарын солилцоог хангасан эсэхийг харахХэрэглэхэд арьсанд харшил өгвөл шууд солихШингээгч бодисын найрлагыг сайн судлахБайгальд хурдан задрах ээлтэй байгаа эсэхийг шалгах тус тус шалгуур болгож байгаарай.
Үтрээний мөөгөнцөр нь халдварт өвчин биш бөгөөд кандида албикансаар үүсгэгддэг. Үтрээний мөөгөнцөр нь хэвийн үед үтрээнд байх ба тухайн эмэгтэйн биеийн дархлаа муудах, чихрийн хэрэглээ өндөр байх, ойр ойрхон цистит өвчнөөр өвдөх, дороосоо байнга даарах, нэмэлт бэлгийн замын өвчнөөр өвдөх үед үржин олширч, зовуурь илэрнэ. Эмэгтэйчүүдийн ¾ нь амьдралынхаа аль нэг мөчлөгт мөөгөнцрийн халдварт өртдөг гэсэн судалгаа байдаг иймээс маш нийтлэг тохиолдог өвчлөлийн нэг юм. Үтрээний мөөгөнцрийн үед ямар шинж тэмдгүүд илэрдэг вэ? Үтрээнээс ээдэм төст бижирмэгтэй цагаан шаргал ялгадас их хэмжээтэй гарах, шөнө оройгоор илүүтэй загатнах, хөгц төстэй үнэр гарах, бэлгийн харилцааны үед өвдөх, дараа нь улам ихэсэх зэрэг зовуурь илэрнэ Ямар оношилгоо, шинжилгээнд хамрагдах вэ? Мөөгөнцрийн үед энгийн мазокын шинжилгээгээр оношилж болдог.Ямар эмчилгээ хийх вэ? Та эмчид үзүүлээд , шинжилгээндээ үндэслэж мөөгөнцрийн эм, лааг 7-10 хоног хэрэглэнэ. Гол нь биеийн ерөнхий дархлааг сайжруулах нь хамгийн чухал алхам. Ажил, амралтаа зөв зохицуулж, нойроо сайн авах нь л үндсэн эмчилгээ болно.Мөн хамтрагчтайгаа эмчилгээг хийвэл маш хурдан эдгэрна шүү. Даавуун дотуур хувцас өмсөх, үтрээний угаалга бага хийх, саван хэрэглэхгүй байх, усанд удаан хугацаагаар суухгүй байх зэрэг дэгийг заавал баримтална.
Миома гэдэг умайн хоргүй хавдар бөгөөд байршлын хувьд умайд 95% умайн хүзүүнд 5% тус тус үүсдэг. Умайн аль давхаргат умайн хоргүй хавдар үүссэнээс хамааран танд илрэх зовуурь хамаарна. Жишээ нь умайн салст давхарга луу түрж ургасан үед биений юм их хэмжээтэй ирдэг байхад умайн булчингийн гүнд ургасан үед биений юм өвдөлттэй ирэхээс биш , биений юмны хэмжээнд нөлөөлдөг. Умайн лейомиома байршлаар нь ангилж, эмчилгээний тактик харилцан адилгүй байдаг. Умайн лейомиома үед дараах зовуурь ууц нуруугаар чилж өвдөх бэлгийн харилцааны үед эвгүй оргих биений юмны хэмжээ ихэсэх хэвлийн доод хэсгээр өвдөх зэрэг зовуурь илэрч болно. Гэхдээ ихэнхдээ зовуурьгүй, эмэгтэйчүүдийн үзлэг, ЭХО шинжилгээгээр оношилогддог. Миомыг консерватив, мэс заслын 2 аргаар эмчилж байна. Эмчилгээг хийхдээ өвчтөний нас, урьдал өвчний суурь, эрхтэн тогтолцооны болон эмэгтэйчүүдийн бэлэг эрхтний үрэвсэлт өвчний байдал , биений юмны алдагдлыг тооцоолж сонгоно. Консерватив эмчилгээ гэдэг ерөнхийдөө эмийн эмчилгээ бөгөөд өвчтөнд илэрсэн цус багадалтыг эмчлэх, биений юм өвдөлттэй ирдэг бол даавар эмчилгээ, эмэгтэйчүүдийн үрэвсэл байвал үрэвслийг дарах эмчилгээг хийнэ. Харин эдгээр эмчилгээнд үр дүн муутай байвал даавар эмчилгээг 6 сарын турш хийнэ. Миомын ургалтанд В бүлгийн витаминууд тодорхой хэмжээгээр нөлөөлдөг гэж үздэг. Харин витамин Е, Д, С хэрэглэхийг эмч нар зөвлөдөг. Миомны хэмжээ хэт том, түргэн ургалттай, цус алдалтыг тогтоох эмчилгээнд үр дүнгүйгээр цус багадалттай , умайн хөндий луу түрж ургасан, зангилаа үхжмэл болсон байвал дурангийн мэс засал эмчилгээг хийнэ. Залуу эмэгтэйд аль болох эмийн эмчилгээ хийж, хавдрын хэмжээг барих эмчилгээ хийнэ.
